戲: Assassin’s Creed 2

30十一月09

前前後後用左五日假期,合共應該有40個鐘,終於完成了Assassin’s Creed II (刺客教條2),仲要唔係就咁完成個故事模式(雖然都用左四日),而係連果100條羽毛都全部搵哂出黎既100%攻略…依一隻可以講係AK於2009年入面,最最最期待既大作…玩過之後,雖然最終佢都係做唔到AK今年game of the year之選,不過,仍然肯定,依一隻一定係值得推介既大作…

AC本身過故仔超級複雜,第一集入面涉及到中世紀聖堂騎士團同中東興起,由山中老人創立既阿剎辛教團之間既抗爭,其中關鍵在於上故遺產piece of eden…然而,故事並唔係就咁一野就將玩家送番去古代,而係再加上一層現在既包裝,講主角desmond其實係被今時今日,一間以聖堂騎士團資金支持既企業,強行捉去做實驗,通過一部儀器,搜尋遺傳係desmond DNA入面,佢於中世紀時代既先祖altair之記憶,從而係現世尋找這件多次被尋獲,再失落既秘寶,方法係,由desmond係儀器入面,重新經歷先祖既一生…

第二集承接第一集既結局,企業通過desmond,找到了一幅記載了秘寶下落的地圖之後,desmond在實驗室助理lucy協助下,逃離企業的大廈,來到了現世之中,assassin的其中一個hide out…(你估得無錯,一直協助desmond既lucy係現世assassin既其中一份子),通過新一代既儀器,回到另外一名於14世紀末,生於意大利佛羅倫斯既先祖Ezio的記憶之中,一方面尋找有關秘寶的進一步資料,同時亦希望通過儀器的同步效應,讓desmond係經歷先祖既記憶之中,體驗並學會先祖當年的殺人技巧…

有別於上一集既altair一出場就經已係一個master assassin,生於佛羅倫斯既ezio係一個經營銀行的貴族家庭Antidore出身既playboy,每日既日常生活就係係街頭上同敵對家族既幫派聚眾毆鬥,又或者係於城中四出泡妞(遊戲之中仲有為女伴寬衣的場面,雖然畫面無野睇,不過意識相當明顯)…然而,幸福的生活因為父親遭到朋友的誣告,以致家中所有男丁全數笏判以環首死刑…幸運逃過厄運的ezio獲悉父親的重大秘密–父親屬於assassin一員,一直與經已不再公開活動的聖堂騎士團對抗…ezio亦決定子承父業,向涉及誣告父親的所有人進行報復…

整個故事橫跨二十年,舞台包括了佛羅倫斯,威尼斯,Forli,Tuscany以及羅馬等多個意國的城市…其中佛羅倫斯及威尼斯兩個城市的size比以前一集的耶路撒冷,大馬士革及acre有過之而無不及…行刺之對像涉及多個意國多個家族,出場真更有不少的真實歷史人物,包括了達芬奇,馬基利維,以至在最後一個任務中作為刺殺對象的Pope Alexander VI…

如此一個大型故事,背後當然有一個更大的背景,其中更加涉及了人類的起源以致聖經的解讀…不過,為左無謂穿橋,AK都係唔好再係度講落去…

點解要花咁多時間去講個故仔?其實因為依個故仔係AC入面不單極之重要,同時,亦都係作為歷史迷既AK會喜歡上這隻game既一個好重要原因…想像自己作為一個刺客,遊走於中世紀第三次十字軍東征時的聖地,以及文藝復興時期的意大利名城,與達芬奇相互相交成為朋友,仲可以係一次刺殺行動之中,用上他發明的flying machine…實在係…太感動了…

另一方面,今集個game play全面加強,開發者在接受了玩家對上一件的批評之後,全面改善了game play,main quest之中,故事的推展全由一個接一個的mission去帶動,不在如上集一般要玩家自行接quest,讓整個故事不斷加入了推進的動力,同時,quest與quest之間的重覆性較上一集大大減低,差不多做到每一個quest都有一定程度不同的感覺(當然,經過40個鐘就…),同時,Ezio所以做的亦較altair多得多,包括可以游水,坐馬車,飛天…與敵人周旋既可以空手入白刃,奪人手中兵器,可以用毒,用槍,更加可以兩手同時行刺兩個不同目標,角色動作大大豐富起來…配合了本身的free run系統…更加相得益彰…

同時,遊戲亦加入了一個全新的經濟系統,在任務中可以賺取金錢,購買武器,防具及不同的補給,又可以利用金錢僱用佣兵,盜賊及妓女去協助完成任務…進一步豐富遊戲之中,玩家進行任務時的選擇…

主角本身討好,故事及舞台壯大,系統豐富…另外不可不說的還有遊戲豐富的副任務及收集原素…包括了母親用以懷念亡弟的一百條羽毛,本身所屬莊園的八座神像,以至可以為莊園增建不同設施,賺取金錢…不得不提的還有subject 16,即係desmond之前的一個實驗對象係各處遺留的二十個記憶片段,要解開片段,了解真相,先要在城中各個歷史著名建築物找到subject 16留下的記號,之後是解開其中的謎題(不少都其實相當有難度),20個全解開後,就可以看到Eva & Adam失樂園的另一個版本…另外更有大量的副任務…其中forli的副任務horse back riding,不可錯過…另外,佛羅倫斯的peace maker任務要一分鐘內殺十隻brute…簡直係…難過main quest內任何一關…

當然,無人講過side quest唔錯夠難過main quest,但係,main quest的難易度…去到最後boss battle,梵帝岡決戰Pope Alexander VI…只要大家把握到其中既特點…在下保證你可以輕易過關,甚至…毫無難度可言…依樣野…成為左AK對於遊戲既最大投訴…個game既combat唔難,甚至有時會顯得重覆…基本上,雖然你可以用既技巧相當多,但係其實你button smashing一樣過關…反而係好多free running既quest更加辛苦,其中,六大殺手之墳既free running真係有虐待之嫌…隨時跳到發火…

整體來講,AC2如果唔係遇到強勁對手,依隻應該會係AK既game of year 2009…不過…對手實在太強,只好由佢屈居次席…至於邊一隻game可以壓倒AC2…在下下個post先講…

整體來講,AC2以同類game來講,值8.5分…至於for reference既同類game評分表,由於牽涉AK game of year 2008,所以下期一併公布…

廣告


7 Responses to “戲: Assassin’s Creed 2”

  1. 聽落好似唔錯

    我想問AC2入面,stealth既成份有幾多?

    例如天誅系列,你面對多過一個敵人已經好難應付,而MetalGear系列呢,除extreme mode之外,大概可以硬揪殺破重圍,只不過被spot會影響遊戲ranking

    我聽多過一個fd講,Assassin 系列其實硬揪都無乜難度,是否如此?

    另外,d voice acting 掂唔掂?(對白似唔似鬼佬寫)

  2. 黑人兄:

    潛入作戰的成份,AC來說實在不算高,由於兩集既主角均係武功高強,基本上硬闖硬打其實係好難日死係d一般兵仔既手既,有d任務你係真係可以「百萬人中藏阿斗」,好似葉問咁,「我要打十個」…

    不過,其中又有唔少既任務係…當你同班守衛大戰既時候,個target會走佬…又有d任務係只要個target發現你,就即刻game over…依d任務之中就真係要d skill去潛入…

    今集係依一方面有唔少改進,你可以隨時閃入人叢之中試圖隱身…更加有用既係請不同既幫手,為你引開守衛…

    voice acting方面,ubisoft係歐洲公司,今集除左英文之外,有多個語言配音,其中包括意大利文…比上集一大進步係,今集終於有英文字幕!

  3. haha, 我上個week都放左一個星期假, 除左大部份時間睇住個BB, 仲有少少時間打機, 上親live 都見到你在AC2 世界內奮鬥緊, 果然你都係放緊假~

    估唔到ac2做唔到你的game of the year….. 我估gta4的add on 同batman 都夠資格入你的 goty 候選名單

  4. 4 teenoie

    Assassins Creed II is excellent graphics a little difficulot to understand how to control the character, but is a encellent game

  5. 我想問一下~如果我錯過了Fly Swatter , 有什麼辦法可以重新過這一關呢~謝謝

  6. 6 Chrissuen

    Re Eddie:
    無。
    不過好似有種方法可以load番入去,好似AC1咁
    唔肯定,search下可能有

  7. 7 gamer wannabe

    where is the game of the year 2009 post?


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s


%d 位部落客按了讚: