戲:Call of Duty – Modern Warfare 2

26十一月09

因為工作上年假的安排,故此AK於今個星期放左三日假,連同周六至周日,合共五日的假期中,AK看了電影一套(2012…比較the day after tomorrow還要差…),翻看了兩套DVD(batman: the dark knight以及star trek),與友人聚會一晚(假期中的亮點),並且分別打爆了Call of Duty – Modern Warfare 2的最高難度以及開始了刺客教條2的長期征戰…反而少揭了書及報紙(反正吵吵嚷嚷的五區總辭實在叫人氣悶)…

First personal shooting,又或是third personal shooting(兩者差別只在於視點是以第一眼,還是第三身)重來是歐美遊戲中一個相當主要的類型,自doom開始,這個在日本一直不太受落的遊戲類別近年更加成為了遊戲的主流,不少遊戲廠商都會開發不同主題的同類遊戲,由Left for dead的打喪屍,到gear of war打地底異形再到dead space打太空異形…基本上你想得到的,想不到的都會成為遊戲之中的槍下亡魂…不過,要說的主流,始終…我們都比較鐘意以我們的同類作為對像…

Call of Duty系列由原先以二次世界大戰作為舞台,去到第四集一轉而推出Modern Warfare…使用現代化的槍械及軍備,以反恐戰作為舞台之後,憑著卓越的gameplay experience,一躍成為最受歡迎的FPS,更加擊敗了GTA4,成為了當年的game of the year(說實在,AK仍然覺得GTA4比CoD4更好…畢竟,AK是一個在乎故事性的人)…

之後遊戲開發商採用了另一間製作室的產品,打出了以二戰太平洋戰爭作舞台的CoD5,但此終未能動搖CoD4在玩家心目之中的地位,甚至在推出兩年之後,遊戲繼續成為最多網上玩家連線對戰的遊戲,由此可以看出CoD4的實力之強橫…

花時間說了CoD系列的歷史,是希望大家明白到,CoD: Modern Warfare 2是在一個太大的shadow之下出生的一隻產品,大家對於MW2的期待及要求,基本上是超越了之前任何一隻遊戲的要求…而事實上,續集作品一般都不容易突破前作的水準,gear of war 2在一定程度上不及gear of war…

整體來說,MW2可以說是沒有令到玩家失望,基本上是成功延續了MW的gameplay experience…不過,亦都可以講,MW,就係MW,經過兩年既時間,MW2相對來講看不到太明顯的進步…當然,MW push to the limit既gameplay,使到MW2可以進步既空間唔多…係槍枝既種類上,以至到運用方式,其實都唔會有太大既分別,MW一貫出色地做出不同槍枝的不同感覺,依一點亦都係MW2之中遺存了…(不過,於AK來說,今集既重機關槍好似太好用了一點…另外,防暴盾的防禦力亦強得有點兒不太符合邏輯)…另外,可以用各種不同既先進武器,以至一d依家都唔存在既裝備(heartbeat sensor),亦係遊 戲既賣點…

當然,花了兩年的時間,製作室也不是白支薪水的…今集的重點是在不同level的design之中…其中最富爭議性的,當年是玩家以恐怖分子的身份,血洗莫斯科機場一幕最為震撼(初玩既時候,AK真係唔敢對d手無吋鐵既無辜市民開一槍)…不過更加出色既係,今集入面每一版都會有一兩個main既場面,可以講係果一版入面既主要戰場,而其中不少既特色設計,係你打完之後一段時間仍然會記得既…包括強攻俾敵人佔據既白宮,殺入總統辦工室,又或者係油井上,煙幕中間既敵我難分…AK覺得,MW係依方面既表現已經唔錯,不過MW2係更進一步…

不過係level design方面,MW2同MW一樣有一個毛病,佢唔同rainbow 6 vegas系列,唔係一個策略性為主既FPS,而係一個強調動作性既FPS,所以有d版面,基本上係強迫玩家以Rambo式既無畏精神,夾硬衝出去闖關…唔排除有朋友鐘意依一種槍林彈雨既feel,不過AK始終喜歡多一點既戰略感…

整體來說,single play故事模式,以高手來講,一般難度應該可以6個鐘內破關,經過左年多既FPS/TPS訓練,AK都可以在8個鐘之內完成…所以…正如MW,MW2既故事模式係較短…最差既係…MW2既故事模式無online co-op…依一點就真係要鬧,實在跟唔上時代…

玩MW既,又點會只用single play,連線對戰先係MW2既重點,亦都可以睇出製作室既心血所在,不過講真,今集加入左level同裝備既差別,導致左本身就已經對新手相當殘忍既online對戰變得更加殘忍…只要人地有裝備heartbeat sensor,而你未夠level學識ninja技能,你就會輕易俾對手搵到你既行蹤,成為槍下亡魂…另外,重機關槍都可以加滅聲器又係一個唔多make sense既位…結果online成日會見到d人重機關槍加防暴盾,配滅聲器加heartbeat sensor以及忍者技能…對於green horn來講…好似除左被殺之外就無咩價值…

整體來說,MW2係MW既延續,水準係保持,不過無咩進步…當然,如果要講現今最強既FPS,MW系列係不二之選…

評分: 8.5分

參考 (10分-絕對推介;9.5分至9分-強力推介;8.5分至8分-推介;7.5分至7分-見仁見智; 6.5分至5分-不推介; 4.5分以下-強烈不推介)
CoD4:MW 9分
gear of war 1: 9分
gear of war 2: 8.5分
dead space: 8.5分
Bioshock: 8分
Rainbow 6 vegas 1: 8分
Rainbow 6 vegas 2: 8分
far cry 2: 7.5分
halo 3: 7.5分
army of two: 6分
Lost Planet: 4分

廣告


3 Responses to “戲:Call of Duty – Modern Warfare 2”

  1. 上You-tube睇左段真人show,話要響雪地逃走,你講得好應:… 基本上係強迫玩家以Rambo式既無畏精神,夾硬衝出去闖關…

    所以我好鍾意一隻舊TPS: Freedom Fighter,策略感高好多。

    …重機關槍都可以加滅聲器… 太匪夷所思勒,過左火勒下化。

    CoD4 故事性+背景我就好鍾意。MW2… 睇落無咁吸引。唉。

    至於CoD5… 好失望。感覺同玩House of the Dead 唔大分別。

  2. 2 AK

    C.M.兄,

    如果你接受到MW,無可能唔接受到MW2…因為Rambo式闖關係MW已經係咁…故事上,MW2雖然牽強…不過MW個故又何嘗唔牽強…

    要策略性既shooter,AK首推Rainbow 6,基本上如果打最高難度,你同敵人一樣,都係一槍死,無得衝…一定要plan好點行點射先可以go, go, go…

  3. 3 阿順

    其實,那不是防爆盾牌,是防彈盾,
    防彈盾並不是一定只有用鐵制的,有一種用樹脂製作的防彈盾牌,擁有像防彈玻璃一樣的透明度,但是卻比防彈玻璃更強大的硬度和韌度.
    日本人就在用這種樹脂技術製作水族館的"玻璃".可以抵抗好幾百噸的水壓哦.


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s


%d 位部落客按了讚: