人生就是他媽的無奈…

06九月09

寫下寫下,好似又有d太過Dry既感覺…而且,寫來寫去都係果d point,總係有d覺得好似係到呃post咁…既然係咁…雖然,今次都係寫一d差唔多既野,不過就當係用另一個方式,去同大家share一下啦…

早幾日同佢一個朋友放工既時候閒聊之間,AK講左一句,「教育孩子,就係一個令到佢可以離開自己既過程。」依一句說話雖然好真實,不過對於一個初為人母既朋友來說,也真的是有點兒過於殘忍了吧…

近排中國建設銀行個廣告,其實好hit到AK依種人,「到BB出左世之後,又唔知到個世界會變成點?」對於係今時今日咁既時勢之下,仍然敢去結婚同生仔既勇士,AK只可以由衷咁講一句,「服得你地好緊要,甘拜下風…」(依家打後四個月,AK已經中左兩蛋,另外,拍直同直嫂又剛剛來了第二名,身邊仲有好多朋友今年內迎接小生命既來臨…依一切,AK係覺得好不可思異既…)

或者咁講,你可以話AK係一個無膽匪類,不過正正就係因為知道中間果個責任有幾重,所以AK實在無咁既勇氣去講一句承擔…單純係要好好地教育一個小孩去面對今時今日既依個咁既世界,就已經係唔容易既事…就好似咁樣,我地自世都會同d細路講,依個世界係點靚點美好,佢地既面前仲有點樣點樣既可能性…人類,係會以真,善,美作為行事標準,教育係講德智體群美善…總之,我地會儘可能地,俾一個較為正面既思考方式我地既下一代…

不過,世界一貫地,係殘忍既…一個班級三十幾四十人,考第一既,只有一個,再講,就算我地成日話今日既大學生愈來愈多,一塊磚跌落街打死幾件,但事實係,仲有好多人無得讀…又再講,出到黎做野,可以處身係理想既position(唔好講高薪厚職,而係一個自己真係鐘意,覺得可以接受既position),更加係少之又少…仲有…雖然,果個靚女唔介意一腳踏幾船,但係始終,一個人有極限…而你就out of 左佢個極限既consideration…

通常依個時候,我地都會同自己講,「面對現實」…面對現實,似乎就係一個成長既必需,而如果可以因應住個現實,去調節自己,甚至對應現實情況,去take advantage,咁就叫做係一個大人啦…

Well…一代人一代人咁去接受現實,一代人一代人咁去重覆果一個現實…打仗既時候,因為戰爭既需要,又或者上級既命令去殺害,又或者無視一般平民既犧牲,因為現實係我地打緊仗…係職場入面,大家為左上位,選擇出買自己既兄弟死黨…咁依個又叫做職場既現實…總之,每一次我地要做一d,又或者係去接受一d違背自己意願既野…我地就好自然咁用現實去同佢地包裝…好似咁樣做之後,自己既罪就會輕一d咁…面對現實,人,通常都會選擇權宜…

在一代又一代既權宜之後,我地已經忘記左,存在,唔等於合理,現實,唔一定係一個應然既狀態…我地唔再記得,細個既自己,其實係唔會權宜,吃喝拉睡…當時的自己,是忠於自己的感覺,忠於自己的原則的時代…我們在成長之中,學懂了權宜,亦明白了放棄原則…

這個就是我們在不停的權宜之間,所重覆創造的現實世界…

看舊式港漫,海虎之中有一段,醜男同奧加閒聊之間說的一句,AK一直好buy:

「人生就是他媽的無奈…」

廣告


11 Responses to “人生就是他媽的無奈…”

  1. 1 七十

    Kent M3
    「室內禁煙,先生。」我挪開了你放在吧檯上的煙。你一面愕然,但成熟世故的你立即收拾五官,冷酷地教訓我胡亂跟別的男人搭訕,對是夜男伴,大為不敬。

    「那男伴是我的師兄。而且你食煙,你唔岩。」我把手放在身後。眼睛骨碌骨碌打量白襯衫無領帶黑西褲的你。hummmmm

    你離座,「我出去食。」

    我把你的西裝反轉,看見那個似曾相識的label……唔係咁岩呀化?

    你回來,我穿上你的西裝,一面挑釁。你拿著紅酒杯走過來,坐下。「喪妹,點呀。」嘿,又來一個以貌取人,以為我是十八廿二除卻青春一無所有的男人。我看了身邊的 ak 師兄一眼,師兄已經冇眼睇。我便自手袋掏出公司名片,遞給你。你看著看著,眉心戚戚。

    係丫,我不是個十八廿二除卻青春一無所有的小妹妹。

    我是個思想及生活都能夠獨立的女子。

  2. 小女子諗, 如果真係生, 都唔會係香港呢個太多比較, 價值觀太差既地方生啦.

  3. 3 doodoodoocahng

    中國建設銀行個廣告…好似話係許鞍華操刀。
    btw, 男角太似一個被閹左既小男孩, 頂唔順….

  4. 4 Chika

    我又諗起同人爭闊閘機的「傳說」…. 呵呵~

  5. 5 AK

    唉…要寫到大家get到個key message似乎真係有d難度…依一篇既重點,根本就唔係生定唔生,亦都無關你係邊一處生…因為,所謂既現實,其實無處不在…

    係權宜與原則之間,其實存在無數「現實」既可能性…不過我地太過習以為常,以為existing既現實就係唯一的存在,同時亦是合理的存在…

    當我地一次又一次咁強調面對現實,我地只不過係一次又一次咁選擇去維持個status quo…而依個status quo,好大程度上係通過不停咁犧牲一d原則既情況下構築而成…

    而,犧牲原則/理想既罪惡感,又反過來以「面對現實」作為理由而得到舒緩…

    寫到悶…身心疲累,需要休息…

  6. 6 Chika

    上舖只係想搞個爛gag…

    咁呢… 現實都唔係唯一的存在… 因為仲有夢想,夢想雖然係無形,但係係一個「可能」的存在。而當有人、甚至好多人願意付諸實行時,這個可能的存在是會成為現實的。(不過過後係咪你想咁好,又係另一回事)

    如果你問我,我的版本的「面對現實」是尊重這是一個無數人在不同的選擇之下blend埋一堆的產物,不過唔代表你唔可以郁佢,要郁都得,但可能會係一個過程而唔係啪隻手指就搞得掂的「魔術」,咁囉。

    革命尚未成功,同志仍須努力。

  7. 7 賭徒

    <>

    人類的歷史上,有冇人較為長久地打破呢個status quo?
    我比較悲觀地諗,呢個係人類的inborn trait (“精"仔 Vs 烈士, 前者未必發圍,但後者下場多數…) , 不會比打破,羅素的雞出現的機會不大

    不過我比較樂觀咁講,相對於封建時代,帝制時代,我地已經走前左一大步
    現在最無奈的人,比較起古代已經很OK

    就正如 Sir Winston Churchill 所講
    Democracy is the worst form of government except all the others that have been tried.

    有睇曹仁超訪問的人,應該知道下一代比我們現時的競爭只會更大,付出更多得到更少,不過我從來唔敢否認,快樂同 金錢多少的不完全掛鈎關係 (必須注意,係不完全掛鈎,唔係完全不掛鈎)

  8. 8 賭徒

    再講得白D, 孫中山, 美國總統卡特都嘗試過break status quo,
    不過"對手"實在太勁, 所以對Obama有任何幻想的人,只係不了解歷史
    你去得太盡,既得利益者自然有方法收拾你
    現實中係沒有Bullet Time的,英雄中左彈亦係得1條命,好快玩完

  9. 9 C.M.

    兄弟,我淨係睇到有人話…

    >>雖然,果個靚女唔介意一腳踏幾船,但係始終,一個人有極限…而你就out of 左佢個極限既consideration…

  10. 10 lslu

    謝謝分享

    《我通我識》節目主持
    http://lslu.wordpress.com/

  11. 11 lslu

    預祝各位中秋節快樂!

    《我通我識》節目主持
    http://lslu.wordpress.com/


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s


%d 位部落客按了讚: