才:司騙是一門專業藝術

17六月09

曾蔭權上場之後,回顧前朝在經歷個「建華之亂」後,以腳痛告終…明白到一個重點,要在這個熱廚房之中可以待下去,必要的條件是要得到北大人的「幸福」,但獲得香港一眾刁民的認受,對於有效地施政亦有一定重要性…畢竟,雖然多幾隻蚊都無可能針得死一個人,但係四圍都係蚊飛下飛下,唔單只好Q煩,俾佢針得幾野都真係好Q痕既…

不過,雖然政府明白到,獲取一般民眾對本身政策既支持之重要性,不過由於佢既先天問題,要站近北大人,就無可能同身處國境之南既一眾刁民企埋一齊,所以係政策上,佢地都明知係無可能可以貼近民意既需求…係咁既情況之下,佢地惟有退而求其次,倚重政治化裝師既技術…係各式政策上塗脂抹粉,希望可以蒙混過關…

所謂的政治化裝師…係英文之中多數都係用spin doctor依個字…spin原本耳係一個棒球術語,指由投手投出軌跡會出現變化,讓擊球手揮棒落空的變化球。在英文的維基之中,spin是指"providing an interpretation of an event or campaign to persuade public opinion in favor or against a certain organization or public figure. While traditional public relations may also rely on creative presentation of the facts, “spin" often, though not always, implies disingenuous, deceptive and/or highly manipulative tactics."簡單來說,就是透過近乎欺詐的語言,以隱瞞的手法,對於一個事件進行解釋,從而引導公眾對事件採支持或反對的立場…

政治化裝師這個字眼,實在有點以過於累贅,感覺上亦都不太專業,所以其實AK一向較為採納蔡子強的建議,以「司騙」作為spin doctor的翻譯,一則符合英文spin的音節,二則亦對應了有關的工作性質,同時亦為這個job title加了一點「古意」(即好像以前的司徒,司空)…

司騙行業在香港是一個相當龐大的行業…各個大型公司都有本身的內部司騙部門,分別向自己的員工以至公眾行使各式的騙術,以圖達成管理層所定出的目標…同時,不少的公司更會視乎本身的需要,聘用專職「司騙」的跨國公司,去製作不同的謊言,以瞞天過海…有關的花費更是不菲…同時,由於司騙中間除了涉及語言和文字之外,不少的情況下都會加入不同的舞台燈光效果,甚以乾冰煙火特技,故此在一場騙局背後,還有更多的參與者,站在台前,靠一張油嘴騙飯吃的專業騙徒,背後也養活了不少的家庭…

當然…大家可能會問,好人好姐,仲咩要騙來騙去,為什麼不老老實實把事實的真相呈現予公眾,讓公眾自行作出判斷…這個嗎…如果街上每一個女孩都是張曼玉林青霞鐘楚紅關芝琳黃祖賢咁既級數,自然就唔需要下下都化裝啦…只不過係…美夢同現實,一般都係有d距離既…所以,有時為左避免嚇親廣大既觀眾,化裝…的確係有需要既…至於係咩場合底下,化個點既裝先至appropiate…就要睇功力啦…

殘忍d講,係正生遷入梅窩依一次風波上面,即使我地假設梅窩居民有「正確」既動機(擔心學校遷入之後會影響治安,影響孩子於區內就學機會,擔心樓價會因為厭惡性設施遷入而下跌以致身家縮水…),有正確既動機不等於本身既行動是正確的…製定鬥爭策略,應該搵專業既司騙幫手,而唔應該依靠果班背後有hidden agenda既所謂「民意代表」…依家攪到千夫所指,又達唔成目標,仲要公眾型象失分甚至引發其他市民拒絕到梅窩BBQ,影響經濟…真係…相當無謂…

廣告


4 Responses to “才:司騙是一門專業藝術”

  1. 梅窩居民死於謀略,用大眾化d嘅語言泥講,即係:

    捉虫!!

  2. 2 Wing

    spin = \"司騙\" 真係好的翻譯 🙂

  3. 最鑊係而家比人搵返哂D舊史出黎

  4. 4 MK

    你實在太文雅啦,
    我地一向叫佢地做屎片doctor!


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s


%d 位部落客按了讚: