色:從「東森幼幼」看「港女」

01六月09

係講新既呢一篇之前,我地不訪先睇下以下既幾個現象…

今時今日既木村拓哉,人氣自然不及大盛時期,佢依家做既角色係檢事久利生公平,大財閥萬錶家族長子萬錶鐵平,以至日本最年青既首相…AK個人最喜歡既,係冰之驕子入面既「大哥」…不過,睇番木村真真正正起家,為香港觀眾認識既,係long vacation同love generation…係入面既木村,無獨有偶都係果種有本身才華,但係撈唔起既男人…lv入面對本身既藝術天份缺乏自信,要不停靠山口智子的鼓勵才可以下決心去做…lg入面佢面對工作崗位既轉變,經常就係依靠松隆子去幫佢補鑊同適應…

台灣劇近年受到香港既觀眾受落,數其中既第一套…唔能受唔提既係流星花園…入面搵左四個當時寂寂無名既新人黎做主角F4…基於角色所限,四個都係油頭粉面既世家公子,家財萬貫而對現實正常生活缺乏認知,任性到同一個細路並無分別…女主角既杉菜所扮演既角色就係話俾佢地幾個知道,咩叫做面實生活…之後台灣偶像逐一來港,由F4進一步轉變…跑出既係…飛輪海同棒棒堂…

相對於日劇,台劇較為暴烈既韓劇,入面既男性型像有兩類,其中一種亦算常見既係粗獷而直接既肌肉型,但係係香港,韓劇首先跑出既,其實係rain既浪漫滿屋…睇韓劇,女性既觀眾通常唔會prefer睇到原罪犯果份血腥暴力美學…相對來講,佢地要既係感人肺腑既絕症喊苦喊忽…「成俊哥」…

返來香港…AK呢件老餅…以前睇電視,入面所呈現既男性型象同劇種有直接既關係,當時既電視劇以古裝武俠片為主,入面既男人通常都係雄糾糾既大俠影響,就算係時裝劇入面…d男人都係「fit佬」或者「杰佬」果隻…依家我地既電視劇集入面既男人,通常唔係人格卑下,就係無能失業之輩,例如「賤Man」,師奶股神入面既「住家男人」,老婆大人入面既「無脊骨動物」…甚至連方中信,劉松仁都要經歷下事業上既失敗…當然,你可以話,仲有laughing哥同埋柴九哥…AK只可以講,佢地既跑出,係「物以旱為貴」既結果…同埋…仲有既一個可以係下面再加分析既論點…

統合上面既一系列現象,雖然有一定程度既混亂,但係我地唔難可以看出,社會上現今如何去定義一個男性形象,以及…咩型號既男生先可以得到女性既接受…在經濟及產業結構的發展之下,女性過去被壓制既生產力及創造力獲得釋放,男性既地位逐步低落,形成左一個新既「女尊男卑」環境…

係依一個環境之下,男性既剛強形象通常就會被介定係「粗魯」,「大男人」,「唔尊重女性」…在不停打壓既同時,社會上推崇吹捧既…係一個「中性」,甚至係「稚弱」既形像…現今既所謂「帥氣」,同以前既所謂「帥氣」,係有差別既…所以,當一眾「港女」批評「港男」欠缺承擔既時候,AK只可以同你地講一句,依家市場上果班「唔似男人」既產物,其實係你地既要求之下所衍生既作品…都係果句,「有咩市場就會有咩產品」…

當然…係適當既時候,你地會希望有一個柴九哥走出黎幫你地撐風擋雨,但係佢最好長時間入面都係居於你地之下,總之,我要你行就行,我要你企就企…這就反映左,「港女」對於「港男」存在互為矛盾既雙重標準戶表裡不一…「平時你最好係一個小男人,到有時果陣就要你講承擔」…

AK對於現時既市場情況無咩感覺…市場係一種生物,佢會係適當既時候作出調節,以上既發展,就係調節既結果…關鍵係…作為產品供產商,並同時為消費者既身份,男性/女性各自應該用咩策略去將自身既return最大化之同時,將本身既損失減至最少…係依一個問題之上,以簡單既經濟理論分析就係「年齡vs市場價值」既demand同supply curve交叉線…即係,一個男人要係依個市場之下生存,必需要做一個「賤男」…至於…如何做一個賤男…下次再講…

廣告


30 Responses to “色:從「東森幼幼」看「港女」”

  1. 「平時你最好係一個小男人,到有時果陣就要你講承擔」
    乜男人唔係應該咁既咩? hehe

  2. 2 AK

    苦瓜兄,
    哈哈…依一式,其實大部份既兄弟都識用,但係如果佢內功唔夠深厚,咁樣變臉法好易內傷…

    等AK遲d寫幾篇「賤man心經」,等大家參詳參詳一下…

  3. AK兄,期待你的賤man心經! 我要做賤man! ^^

  4. 4

    哈哈!好一句"有咩市場就會有咩產品"
    一矢中的

  5. 5 Hana

    哩一句係唔錯,但我都唔要哩啲產品。

    (我唔要柴九做四奶奶幫,我想做柴九幫呀!)

  6. 女人都係扮蠢會得人鐘意多D?

  7. 7 icatii

    又要馬兒好, 又要馬兒不吃草…男男女女都係一樣。

  8. 這情形其實有點像日本,不過是慢了日本好多拍。木村呢種型的男人,如果早幾十年,根本不可能會紅的,那時是興陽剛味的男人,例如三船敏郎那種,就算是西城西樹那種,也有點男人味。

  9. 9 AK

    苦瓜兄,
    賤Man心經…過左星期四先寫…

    奕兄,
    依一句係做product marketing既時候,其中一個指導性思考…因為產品是對應市場需要而被製造出來,市場卻不會因為某一類產品出現而去作出改變…做Marketing,是搵出產品既unique selling point,對應市場的需要…

    Hana姐,
    你依隻小眾市場…要搵d小眾產品…(如果柴九唔係四奶奶幫,而係柴九幫既話,AK可以肯定佢會流失一班支持者囉…)

    Michelle,
    關於女人是否扮蠢一點會多一些男性喜歡…可以參看本blog另一篇(從「靚模」看「港男」)…不過簡單一句…扮蠢之後打入的市場,是不是你要的市場呢?這一點值得考慮…

    icatii,
    人既慾望係無限既…unlimited want vs limited resource係一個永遠解決唔到既問題…

    讀食,
    正是!這兩篇既重點,就係要點出市場係會變既…同時地,AK希望可以了解,市場為什麼會出現這種變化…

  10. 响我眼中, 竹野內豐吸引D.
    所以我都係唔明點解大部份女仔都係中意木村.

  11. 11

    >木村呢種型的男人,如果早幾十年,根本不可能會紅的,那時是興陽剛味的男人,例如三船敏郎那種,就算是西城西樹那種,也有點男人味。

    哈哈!舉腳讚成

  12. 火鶴:

    我覺得姐弟戀的女人會喜歡木村這類型的男人。

  13. 13 eeb

    以前,當一個女人話一個/一眾男人膚淺幼稚,多數係因為個男人只從外表及身材去評價女性+說話內容有一個海那麼廣但只有一寸深;現在,當一個女人話一個/一眾男人膚淺幼稚,多數係因為個男人不學無術暗於大理+思想行為態度停留於幼童階段。

    父母雙職,孩子由工人及/或四大長老帶大,過份保護及溺愛,父母(因內咎及盲目仿傚外國育兒方法)放棄權威,孩子缺乏榜樣及成長伴侶,學校只看成績不理德育(老師亦非精英 – far out),社會風氣日下,而且眼見長進的人往往打一世牛工,投機的人卻贏得財富及掌聲,人的價值觀和自我形象建立於歪風,小孩年齡日增卻成長不了。

    所以有時也不得不承認ak及其他幾個一開始就明確表示不會要下一代的朋友十分明智。

  14. 14 AK

    火鶴兄,
    在下比較傾向反町隆史…

    奕兄,
    市場係會變既…

    讀食,
    依家既女性傾向選擇表面較為弱氣既男生…正正反映了「女尊男卑」既社會現像,同時,她們又會投訴市場上的男生過於「弱氣」,因為她們未習慣本身既position,仍然認為,有事既時候女生應該有權利躲在男生背後,由男生去撐風擋雨…

    直嫂,
    在下近依兩篇既重心,是從產品看市場,而你既comment就係「到底個市場點解會咁發展」…的確…在下認為,孕育下一代環境愈來愈差,所以AK對於面對如此慘不忍睹的環境仍然願意孕育下一代的勇者,一貫是寄予崇高的敬意…

  15. 15 eeb

    我唔係想講個市場,而係d產品,會唔會係個市場無奈地接受咗d產品後,先再自我調整?

  16. 16 AK

    直嫂,

    AK一貫以來,在多篇文章都反覆地指出:

    從來是「有怎樣的市場才會有怎樣的產品」,而不是「有怎樣的產品製造怎樣的市場」…

    從來亦只有產品遷就市場,而不會是市場遷就產品…

    一件產品的開發,生產及推出市場,必然是對應著市場的需要而出現,否則,企業在評估有關產物的市場表現之後,根本不會容許一件不獲市場接受的產品推出市場,因為根本無法收回產品開發,生產及推出市場的成本…

    所以,從來要為市場出現劣質產品(例如傳媒採用煽色腥手法處理新聞)而承擔責任的,一定是市場本身(即讀者),而不是產品生產商(傳媒),因為,畢竟是市場選擇去接受這種劣質產品(是讀者「自甘墮落」,花錢去買煽色腥的報導)…其中,更加不存在所謂的「無奈」…

    又或者,再多舉一個例子…英皇考慮市場情況,推出twin…twin的成功,雖然之前市場上不存在同類產品,但只能說英皇為雙胞胎此一產品發現市場空間,而不能說成英皇製造了twin的市場…

    twin成功之後,其他唱片公司跟風推出cookie,hotcha,freeze以至cream…etc,每件產品都加入了不同的元素,試圖在twin之上搶奪市場空間之餘,擴大市場的空間…這些產品的出現,歸根結底,是回應市場的需要…

    cookie中的stephy及theresa跑出…反映的是,這個市場重視的,並不是唱得有無走音…而是…其他條件…

    人,通常傾向不承認本身需要為問題的出現而承擔責任,而將一切問題歸究於外在因素…

  17. 17 eeb

    如果單從市場經濟看港男(及港女),好難解釋點解大量長期滯銷貨品充斥市場,仍然不斷有新滯銷貨品推出bor。

  18. 18 AK

    直嫂,

    從市場經濟來講,市場存在滯銷產品,排除其他的非市場因素之後,通常既結論都會係買方同賣方無法對產品既價錢作出彼此接受的合理評估…而由於產品不斷生產,市場無法消化,結果出現滯銷情況…

    所以,要避免成為滯銷既產品可以從多個不同既位置入手,包括左產品質素,合適市場以及合理定價…

    有關既分析會係「賤man心經」之中詳述…

  19. 19 賭徒

    我傾向唔同意, 我唔同意呢個demand creates its own supply理論
    因為大部分人其實唔係好知佢自己想要乜,
    咦,乜原來google好過infoseek,yahoo, msn search咁多咩,未有google前真係唔知喎

    點解有港女, 我覺得 <>個 blog,分析得唔錯
    培養一群 有 “品味",有要求的港女/中產
    對消費,地產市場大有好處,唔係D普通屋苑扮豪宅邊有人買
    如果佢地咁橋唔想結婚,唔生仔,幫老板慳埋ML,又冇拖拍,開多D OT,咁更理想啦

    幾千年的基因及文化,唔會咁易比十幾年的一個 “港女/港男"浪潮影響到
    我傾向同意eeb講
    到佢地見過D好野,自然就會棄暗 投明
    Edison冧得掂D女,我相信唔係用女尊男卑
    鑽石黃老五之一的楷哥,亦應該唔係

    講返木村,我相信如果任D女揀,佢地會要返Hero, Change 或者Pride的木村
    唔好忘記, lv結尾係木村同小南(山口智子)講 “我地一齊去Boston" , lg係 “雖然我可能力有不逮,但我會盡力照顧你" (女主角故鄉的雪山上)
    因為大部分女仔最想講果句始終係: “最好唔好要我諗"…(只要你的choice不是太垃圾) — 我唔怪佢地,因為佢地想講果句我都想講…hehe

  20. 20 賭徒

    補返出唔到果幾隻字
    我覺得 “怒插港女" 個 blog,分析得唔錯

  21. 21 AK

    賭佬兄,

    你所講果種棄暗投明…好大程度上可以咁睇:

    雖然,未有google之前,我地有yahoo已經覺得好開心…但係,咁唔代表我地會settle係yahoo果個層次,正如你講,當我地見到google既時候,自然會棄暗投明…從依一點,證明左市場上一直有追求效能更卓越既search engine依一個demand既存在…只係之前無商人試圖在yahoo之外,開發及推出更好既search engine…which…講緊microsoft依一間慢幾拍既公司…

    今時今日,google雖然不斷拓展本身業務,但仍然不斷改善search engine既效能,重點在於,要supply一件產品,可以fullfill市場既空間(對更有效search engine既demand)…以免被一直急起直追既microsoft超越…即係唔想好似之前yahoo咁固步自封,最終比google爬頭…

    所以從整體既角度來說,仍然是demad create supply…

    用到edison同楷哥依d超exceptional case,未必對應到今次講主流市場既討論,畢竟,唔係好多人有edison咁「靚仔」,又唔係好多人有楷哥咁「有錢」…不過…可以咁睇…

    假設有一個有錢女人,佢既錢甚至俾楷哥仲多…咁就算楷哥有supply,都對應唔到依個有錢女人既demand…咁如果個有錢女人正好想要一件靚仔既…咁edison所可以suppy既產品,對於依個女人來講就有價值過楷哥d貨好多…

    點出女尊男卑依個社會現像,係用以解釋文中開首點出於日韓台港四地所出現既現像…事實上,文中亦已經點在,在這個選擇之中有互相矛盾既雙重標準,就是「要男士平時係弱氣小男孩,好由她們差譴,但一旦有事時就希望躲身在男士之後,由男士撐風擋雨」…

    在下並不覺得這個互相矛盾的雙重標準有太嚴重的不妥,只不過係反映左佢地並未習慣作為強者既position…同埋希望同時享有作為強者及弱者兩面既優勢…有點兒不誠實吧了…

  22. 22 賭徒

    haha, 唔阻住你寫下集,
    不過我認為 in most cases 柴九,似返個男人的男人(你身為騎士系,應該明白咩係似返個男人的男人) 技術性擊倒 Rain 哥哥

    除非係宅男,否則如果準備以女尊男卑 黎迎合"市場"需要 ,我為佢地感到悲哀
    同埋我為呢d人的揀女眼光感到悲哀

    港女 has its target group. 但係咪第一件事應該問, 乜你好想要港女咩
    如果唔想要, 咁只要做返一個似樣的男仔,你的市場大到痺,
    好簡單, 因為呢種product依家市面上死淨好少,個market niche夠你食有突

  23. 23 passerby

    其實, 點解男人弱質一點就不好? 世界不應該是多元的嗎?

  24. 睇完AK兄一大段內容,我有o的o野唔明:

    1. 按AK兄o既理論,其實係因應男人需要女人(或者係需要戀愛),先至會因應「市場變化」去改裝自己。咁o既話,其實係咪代表「拍拖」、「戀愛」係社會上一種必須要做o既行為?

    2. 假如第一點問題係真o既話,點解社會風氣一定要人拍拖,而唔俾人自由選擇自己鐘意o既生活方式?

    3. 我睇完成段內容,最感慨o既,就係點解一定要「跟大隊」做o野?點解男男女女只可以選擇拍拖,而唔可以俾人去作多種選擇?

  25. 補充:

    假如社會真係可以咁包容,接受任何人自由選人佢地o既生活方式,就唔會出現AK兄所講o既「市場需求」,出現AK兄文中所講o既情況,就係因為社會唔夠多元、唔夠包容、唔夠自由,先會搞到o的人要迎合「潮流」,以便可以拍到拖o者!

  26. 26 passerby

    但畢竟性與愛是人天生的渴求. 這也可解釋為何同性戀人士在這種世俗排斥之下也要去愛.

  27. 27 AK

    先答阿斯蘭兄,

    1) 說真的,「拍拖」和「戀愛」只是眾多不同活動的其中一個選擇,你可以看書打機番工上堂睇戲唱K…etc而不選擇「拍拖」…你係有得揀既…不過主流市場傾向認同「拍拖」…不過AK認為,人係有不拍拖既自由…

    由於解決了(1),所以(2)就不用答了…

    關於「跟大隊」的問題,首先,不能否認,「拍拖」這種行為係有佢本身既價值既(無論對個人及社會),故此這種行為多人認同,成為市場的主流,結果好多人不加思考就會投入這個市場,得出的結果也不一定是壞的…

    我們不能以社會存在主流價值就是不夠多元包容自由,因為,沒有人用槍迫你去投身主流市場…你是有絕對自由選擇不去迎合主流市場的價值的…

    再答過客兄,
    AK在這一篇之中,重點不是要判別男人「弱質」一點好,還是男人「強氣」一點好,只是要點出,弱質男的存在,是對應市場需要而出現…

    男人弱質化不是問題,如果女士不再投訴弱質男沒有承擔的話…過去「男尊女卑」時,沒有人會投訴弱質女流,不會說要女士有所承擔…隨著社會變化,轉為「女尊男卑」時,卻不斷有人投訴男士缺乏承擔…這裏沒有價值判斷,僅是點出…市場結構是不同的…

    最後係老友賭徒兄,
    無錯…係有下集既…賤man心經既重點就係…如果考慮本身既合適市場和入市時機,產品質素以及合理定價,在不嚴重改變產品遷就市場的情況之下,簡單地在市場中成功售出/購入…

  28. 女人一向都係矛盾既動物, 作為一個有品味, 有要求既時代女性 (aka港女), 我會傾向鐘意一個好似楷哥咁有錢, 吳彥祖咁靚仔, 三哥咁穩重, 成俊哥咁溫柔, 管家仔咁有承擔, Laughing哥咁重情義, 又要有淫希既床上技巧, 但係適當既時係, 又要似老婆大人入面個「無脊骨動物」咁識淋我喎.

    繼續發下夢先…

  29. 29 Chika

    貓兄,同意,男性係可以唔就範的,不過唔好唔記得佢地又唔想畀錢搵姐姐又唔想搵五姑娘,又想得閒開心下,咁咪… 就範囉。 不過買袋, 嗯我話手袋…呀,旅行呀食飯呀咁價錢,其實貴過搵花姑娘好多。

    所以呢,其實又係用家需求問題,女友要出得廳堂上得大床,但久不久又要有DoS,咁先至叫做情趣啊… 唔係邊有得同你抱怨呢…

  30. 30 AK

    Marshmallow,
    晏晝四點幾就發綺夢好似太早左d喎…d機無壞所以唔駛做乎?

    智嘉兄,
    關於閣下既問題…請參閱之後既賤man心經…


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s


%d 位部落客按了讚: