才:志雲大師做左幾多「陰騭」野…

21五月09

每日答地鐵番工,由於工作既需要,都會拎番一份「都市日報」(當然,一份都紙點都滿足唔到AK既胃口,所以番到office會先拎份「信報」去揭兩野,之後再上網睇「蘋果」)…一般黎講,免費日報既質素都比唔上收費報紙既…不過,今日「都市日報」既頭版真係好正…

頭條係…陳志雲:無線擴展炒百人

金融海嘯下,狼來了的故事原來是真。繼亞洲電視於上周三裁減36人後,在同日還言之鑿鑿、表明不會裁員的電視廣播有限公司(511)(下稱無綫電視),昨日起卻裁減110人;受影響的主要是工程部及製作資源部員工。今次是無綫電視半年內第3度裁員,連同其他報業機構早前相繼裁員減薪,傳媒失業大軍已充斥市場。

無綫電視昨在股東會後,由多名高層宣布裁員的消息。總經理陳志雲辯稱,今次是人力資源分配計劃,不應該用「裁員」的字眼,公司為配合新媒體發展,未來將分階段創造200個職位,並會優先考慮聘請受影響員工。

不過,受影響員工要先離職,才有機會再獲聘用,無綫電視估計有半數員工可獲再聘用,亦不保證不再裁員。工會直斥無綫電視「出爾反爾」,罔顧社會企業責任,是「無良僱主」。

都市日報係「小報」size,所以係無二條既,但係剛改版既「都市日報」會用三份一個page去介紹佢地既重點新欄目…今日既新欄目係…

陳志雲:教你如何識撈

我是素食者。我替《無綫生活台》主持《志雲飯局》這個節目接近三年了。跟我共晉飯局的嘉賓超過一百位,每次他們也會異口同聲問我一些問題,例如:「為何你會吃素?你是佛教徒嗎?你何時開始吃素?你吃素,是否你做 了很多陰騭事? 」

AK相信,志雲大師真係幾生修到,可以係今日依一個特別既日子,有一個咁有紀念價值既頭版為佢贈興…AK明白,志雲大師都只係一個打工仔…呀Sir Run Run同埋華姐話要做既…難到又真係可以唔做咩…不過,「你吃素,是否你做 了很多陰騭事?」依個問題…AK相信,佢都真係要食多幾廿年,先可以還到依筆債囉…畢竟…佢係一個仲未洗手既比拉多…

在下當然明白,股市係睇前景既,雖然CCTVB係一間上年勁賺十億既機構,但係前景係「賺少左」…就係因為「賺少左」,所以先先後後由上年底炒左212,之後又炒50,依家再黎110…依到講緊372人…有成372個家庭…你,陳志雲,你自己講…你做左既係d咩事?

Well…AK明白,CCTVB係大台…改革不成既ATV根本就唔足以放在眼內,反正既然係獨市生意…就自然就唔需要養咁多人啦…攪咩「數碼資料儲存厙、互聯網業務、與邵氏合作拍電影及擴建廠房」,全部都係空頭支支票,總之,依家就係炒左人先…就係咁簡單…

AK自己都係讀傳媒,做傳媒出身,大學畢業論文係寫「經於經濟因素的自我審查情況較基於政治因素的自我審查遠為嚴重」…點會唔明白傳媒既運作…基本上…有咁既觀眾,有咁既傳媒…睇下星期日個line up…先係「農夫小儀嬉」,之後係「美女廚房」,跟住係「星星同學會」…連續三個節目,第一個開宗明義,就係拎d半紅不黑既新人出黎玩,愈玩得佢地慘就愈開心…之後,擺到明就係sex sell,仲要係電視鏡頭前,任由一班男人,公然咁去到一眾女性進行視姦…之後既,表面上一副清淡節目包裝…實質卻係以揭人陰私為本…什麼「集郵」…well…容許一d咁既水準既節目去佔用稀有既頻道資源…而收視率又居然節節上升…除左果班坐係電視到盲目接收訊息既觀眾以外,又有d咩人可以被blame?

補敘的一段:或者咁講,AK一貫都知道,是「有怎樣的觀眾,就有怎樣的傳媒」,而不是「有怎樣的傳媒,就有怎樣的觀眾」…香港人既文化之中,一早就習慣左「玩人」為樂,出黎行既,最緊要「玩得」,唔止要「玩得人」,仲要「俾得人玩」,咁先叫做吃得開…過左火位既,連道嫌都唔會有一句,只係一句,「講下笑jer,係唔係咁唔玩得先?」似乎受傷害既責任,就可以因為依一句話轉而到受害人既身上…其實,玩人為樂既人,係唔係應該好好咁諗下,「你既快樂到底係建築係d咩既上面?」

柴九哥講,「人生能有幾多個十年?」唔通…黎緊果幾個十年,係香港既免費電視入面,都係要做一d咁既節目…?

唉…算吧啦…

廣告


9 Responses to “才:志雲大師做左幾多「陰騭」野…”

  1. 無良僱主又愷只佢地一間?

    另外,話明係免費,無直接比錢的觀眾除在影響佢地既收視點外,我地還可以做D乜? 為了收視,不通俗sound bite不夠的節目通通要行開.免費報紙都係一樣道理,講來講去,其實都係一個錢字. 誰直接比錢,誰話事.

  2. 2 AK

    苦瓜兄,
    在這個香港,無良的事情真係一日一日咁重覆發生…

    個人認為,無論面對免費媒體或收費媒體,觀眾在吸收他們的資訊時,都會付出一定代價(收費媒體自然係現兜兜既銀紙,以及寶貴既時間…免費媒體,觀眾則只需要付出寶貴的時間…但個cost其實都唔細…),事實上,香港係一個資訊爆炸既城市,在吸引資訊的方式上,有眾多的選擇,所以作為消費者既觀眾係絕對有主動權去轉台,甚至放棄以電視作為吸引資訊/娛樂的基本模式…

    所以…養成依家電視台如此水準的…責任在觀眾(即係,付出/俾錢果一個)…畢竟,無人拎枝槍迫你睇電視既…

  3. 留意無線呢期mytv,開始走NBC、FOX、ABC電視台路線,嘗試網上與傳統電視媒體整合來收取利潤,即一雞兩味,市場是頗受歡迎,至少不少人會到mytv睇返d舊野。

    無線做生意,其實是頗高明,但就較為冇咩品。

    至於志雲大師,作為行政人員,可以日日見報同自己個台(佢個blog居然係TVB藝員網站出現,仲要是頭十幾位),就可見資源分配是嚴重錯誤。

    而星期日節目,基本上同台灣、日本電視節目是沒有分別。玩下手人家仲嚴重d。但不同的是人家有較多對手競爭,分薄左觀眾的集中點,但香港,你唔睇無線,冇咩比你睇(除左BT)。但有幾多個阿媽同阿爸會識BT呢?唯有硬食。

    不過有一樣野香港電視對年輕人的影響力其實較其他諸區較少,單看偶像劇就看得到。有幾多香港年輕會留在家中睇電視而唔去威?但日本、台灣等地則常要在家因此偶像劇市場會以發展。而香港電視則仍然以阿媽主導。

  4. 世風日下, 宜家真係冇"有良僱主"呢支歌仔唱. 比起其他跨國企業, 志雲大師都已經唔算差… 好似小女子呢邊咁, 日本隊最近又黎一個大屠殺, 日本仔為求有地方落腳, 玩手段逼走香港幾個阿頭, 佢地就轉移陣地過咗黎, 感覺, 就好似日軍侵華咁…

    又好似前排大貓栽員咁, 亞洲明明有錢搵, 但老細係老美, 梗係幫番自己人, 炒你地香港幾十個, global盤數好睇啲, 又可以救佢地幾個最層. 你話佢無良, 佢先唔鬼理你.

  5. 5 AK

    Terence,
    其實自從數碼廣播之後,將content係互聯網上循環再用就一早係呼之欲出既一著…

    星期日節目…同台灣及日本沒有分別,甚至人地玩得更嚴重…so?咁唔代表咁做無問題囉…anyway…人,係有自己選擇權既…阿爸阿媽睇,唔代表你又要跟埋睇…

    偶像劇?可以做偶像既,就唔駛做劇啦…依家d劇,要「實力派」先可以做…

    Marshmallow,
    講真…良心僱主依d咁虛偽既野,AK一早就唔信…不過有時最乞人憎既反而係志雲大師依隻…你明明白白話賺少左要裁員,AK都會服…你同我講為左未來擴充要先炒人…咁講唔通囉…

  6. 6 Wing

    最不智係剛剛講完唔會再裁員, 依家炒咁多人, 重要用呢d咁可笑的說話來意圖混淆視聽. 如果少左d不智o既發言, 公眾的反應咁猛烈.

    係 “講多錯多" 的典範.

  7. 偶像劇曾經在港是可以成功,例如當年大家會睇黎明、李克勤等,等於依家台、韓、日劇的成功一定要睇飛落海,可惜時移勢易,香港年輕人多左娛樂,唔似亞洲地區年輕人不在大城市在小城市冇野做便要睇電視為主要娛樂,所以有偶像劇如什麼四葉草都要放係星期六日d唔等駛時段,就知道香港電視由阿媽主導。
    當然可以唔睇電視劇,正如AK兄都知道有柴九人物,但唔代表佢地唔存在既。

  8. >> 你同我講為左未來擴充要先炒人…咁講唔通囉…

    哈哈, 算把啦, 佢咁講根本都冇人信, 唯一信既人只係佢自己, 等自己食少幾年素…

  9. 9 AK

    Wing兄,
    其實,呢家咁既時勢,要裁員就預左俾人郁…反而唐公子算係學一次乖,識得講,「無回應,無補充。」

    Terence兄,
    就係囉…曾經丫嗎…時代唔同…電視傳媒所辦演既角色,都應該唔同…囉…

    Marshmallow,
    咁…佢不如「放下屠刀,立地成佛」,即刻「循跡空門」食長齋好過啦…


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s


%d 位部落客按了讚: