才:電盈私有化下的best interest…

06四月09

做得corp comm同PR既,理論上都唔應該太過不問世情,尤其係對於某d重點事件既日子,真係要特別留意同埋預早作安排…其中,今日就係一個咁既日子…

高等法院今日宣佈同意電訊盈科私有化…

####

法官關淑馨在判辭中指出,認為在私有化過程中,小股東並沒有在被大股東強迫下,做出違反自已最佳利益的行為,並認為據證顯示,電盈小股東有足夠機會表達意見,多數的電盈小股東,是真誠、理智及合理地投票,股東亦得到公平對待,故同意電盈私有化。

####

由大東電報局到香港電訊到電訊盈科…八號仔從此消失係香港既股海之中,成為李家既私有財產…基本上,呢單野高院幾時正式宣判,係一個公開資料,如果AK係任何一個公營機構有需要係呢個時間公佈任何既負面消息的話,一定會選擇係今日公布…依一招…其實已經被廣泛應用於多個公營機構的公關手段之中…其中又以醫管局用得最為…

okok…係一腳差出去大西洋之前又撐番番黎先…話說呢個八號仔曾經係不少小股民既愛股,又曾經成為香港與新加坡既爭奪對像…之後李家透過鉅額銀團貸款,以蛇吞象既方式,透過「盈動」鯨吞「電訊」,成為擊退新加坡的港人驕傲,之後並正式改名為電訊盈科…結果由於背負鉅額債項以及激烈的市場競爭,加上「超(小小超)凡(袁天凡)」的財技操弄…股價由高位拾級而下…完全對應了公司本身的簡稱…「盈科」(仍然繼續fall),讓小股民飽嘗「電刑」(電盈)之苦…

其實…八號仔一早就已經係市場上宣布左certified…不過香港既股民係相當之…「有情有義」…看看HSBC的本地供股比率達到九成八就知道…香港的股民不單是以一種談戀愛的方式去對待本身的至愛的股票,而是一早就經已決定了要跟股票一生一世…「無論環境順逆,疾病健康,我將永遠愛慕尊重你,終生不渝,願主垂鑒我的意願。」…都已經去到呢一步…真係除左講句「阿門」之外,你話…仲有咩好講…所以…尚有不少小股民一直對於形同廢紙既八號仔股票死攬不放,希望有朝一早,「電下電下」…佢會可以起死回生咁話…

所以…不少人對於「超凡」繼續運用各式技巧,終極地提出將電盈私有化係一種奪產既行為…挑動無數人的舊傷痕以及痛楚神經…再加上爆出「種票疑雲」…更加增添了這事件的矚目性…

相當有趣既係法官關淑馨的判詞中指…「小股東並沒有在被大股東強迫下,做出違反自已最佳利益的行為…多數的電盈小股東,是真誠、理智及合理地投票…」這一句…真係…又可以「圈」…又可以「點」囉…of course,大家都知投贊成票的小股東是真誠,理智及合理地投下最符合自身利益的一票啦…問題是,自身利益可以受很多不同的因素左右…當有人基本本身的利益,向其他人提供股票,讓他們擁有投票之權利後,再提供其他誘因,讓他們按照本身的意願去投票,種票(以不正常手段試圖干擾投票結果)的交易就成立了…到底是「威迫」還是「利誘」…乜…重要既咩?

今年連續以來,先是雷曼迷債,之後有匯豐供股,再加上今次的電盈除牌…香港金融市場監管存在的問題正在金融海嘯之下一步步的呈現…如此這般的水準…看來還真的不用等上海來搶香港的牌匾,這個不像樣的所謂「國際金融中心」就經已先自行跨掉…

補多一句,諸位做PR既朋友,唔好話AK唔提你,miss左今日,下個星期二仲有一個放料既機會…因為果日,「該走的終需走」既「任金剛」將會出席立法會就雷曼迷債既特別聆訊…雖然,結果都係留下「傷的總傷透」既苦主…

廣告


4 Responses to “才:電盈私有化下的best interest…”

  1. 1 eeb

    “香港電視"
    “投讚誠票"
    做PR既朋友,今篇改下d別字/錯字好bor﹗

    我認,我當匯控跌到連供股為起唔到四草嘢一手時決定同佢有長期關係,因為阿仔將來需要嫁妝。

  2. 技術上係無問題,但係咁玩法絕對唔道德兼玩殘個市。

    同埋… 私有化後都唔係姓李做老闆,係網通喇…你估阿少爺唔會賣埋D股畀人咩。佢自己根本都已經意興闌珊,唔想玩落去… 佢勢估唔到今舖無上次同Rupert Murdoch 做deal 時走得咁瀟灑。

    當年大家當佢神咁拜,其實都係一場賭注。

  3. 3 AK

    直嫂,
    嘻…已修改…

    就咁…AK覺得,如果依家買入,掟低等到小直大個仔之後先賣出,相較匯豐,市場存在不少更好既選擇囉…

    智嘉兄,
    技術上唔係無問題,係有相當既問題…你可以講個官純以法律條文去詮釋有關法例,但係判案時有需要考慮立法原意及其精神…

    尤幸證監即日提出上訴,而上訴庭亦肯優先處理…證監係近日多宗事故之中既表現,算係為左香港既金融監管機構賺回了不少分數…

  4. 4 eeb

    港人情意結… …


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s


%d 位部落客按了讚: