戲: 從開卷有益到字裏行奸的謝安琪

27三月09

由謝安琪出道以來,AK就鐘意聽,所以,新出既大碟Yelling亦都係一出即買(無錯,AK係果種仲會買碟既稀有動物)…不過,一路都未有時間將佢rip成MP3,所以之前果幾日隻碟都係擺係度,直到今日放假先有時間去慢慢品嚐…

以前AK係唔鐘意係條街上面聽MP3既,就算rip左隻碟,通常都係會乖乖地坐係屋企度聽,無奈近年以來可以靜靜咁留係家中既時間絕無僅有,加上係屋企既時候又有眾多不同既娛樂去競逐有限既時間(打機,睇碟,睇書,寫blog,睇網…etc),要好好地,好專心咁聽一隻碟,真係唔容易…加上依家條街上面一般都有好多「雜音」,嘈雜既環境叫人心煩,所以都係用塞住對耳仔,用部N85聽歌較為寫意,而播碟既時,AK係pre set左,random…今日好巧合,隻碟random gen出黎既播放次序係「開卷有益」,之後係「字裏行奸」,然係係「直角等於三角形」…

AK係一隻「格仔人」,文字絕對係最重要既媒介,所以,聽歌,就算旋律再搶耳都好,歌詞先係主角…所以,依三隻歌真係要留意歌詞…剛巧,三隻歌既歌詞,都係周博賢…

開卷有益
大細胸 肥脹的小肚 突發新聞般報導 人格好 唯獨小腿比較粗
晚裝的背後 走光的鏡頭 全部角度刁鑽也講究
太低的褲頭 少布的肚兜 不顧一切獵到手
可會是我想太多 其實娛樂過 也不必發火

沒有空 亦要追得到 絕世出位的報導 誰拍拖 誰又失身得太早
是非加串謀 橋不必怕舊 娛樂新聞怎會看得夠
每天都有售 不理好與醜 真相虛構亦照收

誰在意她專不專心工作 只想知她揮不揮霍
闊太HIGH-TEA一不小心 背後T-BACK與民同樂
新鮮出版的週刊 太多激爆的炒作 要令到大眾都開卷快樂

名氣高 埋葬於土裡 亦有專輯的報導 未滿足 前後三生都要數
自毀的理由 媽媽的訴求 全部責任一概要追究
祖宗的庇佑 掌相的缺口 越玄妙人越拍手

誰在意她專不專心工作 只想知她揮不揮霍
闊太HIGH-TEA一不小心 背後T-BACK與民同樂
新鮮出版的週刊 太多激爆的炒作 要令到大眾都開卷快樂

記者編輯 攝影先生 精密布局在四週
酒店角落齊備超廣角的鏡頭 拍下各種醜與醜
難過愉快 憔悴病態 某共某家裡逗留
以十個食腦的高手 揭露各樣各式錯漏
致力要大眾睇通睇透

她專不專心工作 她今天揮不揮霍 她演不演出主角 每樣也是眾人娛樂
新鮮出版的週刊 太多激爆的炒作 要令到大眾都開卷快樂

嗚謝你 尖酸抵死的觸覺 封面小姐的肩膊 抽絲剝繭的追索 制造低消費娛樂
花邊新聞的搞作 絕對不會太真確 要是你肯花錢 當做有點消遣
切勿以太高深尺度量度

字裏行奸
路過書報攤 那一瞬間 禁不了分心睇一眼
雜誌首兩版 永不簡單 文字圖片夠燦爛

[睇人唔順眼忽然暴發 邊個同邊個通奸 仲有膽生毛 敢得罪老板
扮走光 搏反彈 夜浦吸毒喪玩 無野做好得閒]

揭秘偷窺熱嘲冷諷一番 借週刊走入快感空間
給抓中心裡陰暗面和情緒災難 欣賞字裡行間 將公眾的人物狂玩

為了討兩餐 每天上班 強忍上司監督的眼
情緒的炸彈 壓抑成患 要找第三者發難

[於是十零蚊買本雜誌 睇下明星俾人玩 發洩心頭恨
做一陣老板 鬧完人 唔使還 心情又舒服番 聽日繼續加班]

揭秘偷窺熱嘲冷諷一番 借週刊走入快感空間
給抓中心裡陰暗面和情緒災難 欣賞字裡行間 將公眾的人物狂玩

書報擺滿街 長做長賣 鑑于讀者基礎大
因 種出了果 在滋養因 越轉越發變態

繼續盡情狠評人一番 借週刊走入快感空間
給抓中心裡陰暗面和情緒災難 欣賞字裡行間 將公眾的角色去 踐踏一番

借週刊的話快感一番 多麼捉得中陰暗面和情緒災難
欣賞字裡行間 跟小報刊作合謀犯

直角等於三角形
紋身 便覺與幫會接近 聲名夠響 便算是神
表情夠扭曲演戲便動人 立說著書 便算位專家顧問
歌詞夠狠便聽的興奮 操潮汕口音必滿腔怒岔
像混在四週 資訊太亂太多 觀感知覺 最終不勝負荷過 人麻木了變蠢變笨

事事獨看最淺最白最表面成分 疑團小節矛盾隱喻不過問
只靠直覺感受評定事與人

大聲 便覺得粗鄙過份 斯文有錢是社會達人 丹田氣震音必博得共振
像混在四週 資訊太亂太多 觀感知覺 最終不勝負荷過 人麻木了變蠢變笨

事事獨看最淺最白最表面成分 疑團小節矛盾隱喻不過問
只靠直覺感受評定事與人

將萬物簡單化 小事遺漏了算吧
蠢鈍做人有益消化 臀部來做腦袋好嗎

只會著眼表面成分 疑團小節矛盾隱喻不過問
只靠直覺感受評定事與人

自動自覺望向最顯眼和最簡易成分
牛和風馬畫上等號 不發現疑問
只靠直覺感受來評定愛恨

由舊歌「開券有益」批判傳媒處理娛樂新聞既手法,去到新歌「字裏行奸」探討讀者對於娛樂新聞既消費心態,絕對係感同身受既有感而發,而且更加係行前一步…未有囍帖街之前既謝安琪,仍然有point動聽,但係就鮮有上雜誌封面,之後「一曲成名」,接踵而來既係不停出面既負面新聞…謝安琪還是之前的謝安琪,只不過是我們在囍帖街之後就換上了一對新的眼光去看待同一個人罷了…

我們不時會以為,傳媒既導致社會風氣敗壞的主因,似乎把所有傳媒漂白,就可以叫社會風氣得到提升,其實,AK一貫認為,讀者的窺秘心態才是問題的根源…之前一次的網上討論之中就已經講過,傳媒只可以去發現市場,而不可能係製造市場,如果讀者對於煽色腥沒有需求,不存在demand的話,傳媒就不會向市場supply以煽色腥主導既產品…現時傳媒走向蘋果化,只不過是反映了市場,亦即係讀者既心頭所好…

再用番之前討論中既一個例子,要為中國人吸食鴉片承擔最大責任的,絕對不是向中國輸入鴉片的英國人,而是明知吸食鴉片有嚴重禍害而仍然選擇吸食的中國人…正是「天作孽,猶可恕。自作孽,不可活。」購買權有讀者的手中,如果真係不喜歡煽色腥,他們絕對可以選擇不去買這些報紙雜誌,難道把所有的責任推到供應者身上,就可以脫清作為消費者的責任嗎…?AK認為,這種邊買邊鬧的行為,是絕對的自欺…

在我們習慣了傳媒膚淺簡化的報道之後,我們開始不再思考,選擇以直覺去感受,認識這個社會,結果就鬧出了「直角等於三角形」的情況,將所有一切都標籤化,表面化,以為鐘意買袋就係「港女」,喜歡玩figure就係「電車男」…

其實,直角除左可以係三角形之外,仲可以係正方形,又或者長方形,甚至係直角梯形…仲有好多可能性…以為直角,就係三角形,將其他既可能性排除於外…是愚蠢而可笑的行為…

周博賢係最後講,「魔鬼活在細節中,天使也活在細節中。請不要單憑她的派台歌作判斷,聽聽其他歌再說吧!直角根本不等於三角形。」正!

如果你只懂得唱鐘無艷,囍帖街及祝英台既謝安琪,AK會建議你買碟,好好地咁聽清楚…又如果你喜歡一位言之有物,講野有point得黎又唱得精彩既歌者,AK會建議你,買演唱會飛…(雖然,AK已經過左去聽演唱會既年紀…)

廣告


2 Responses to “戲: 從開卷有益到字裏行奸的謝安琪”

  1. 1 samsara

    大英帝國在印度巧取豪奪,逼佢地成為鴉片供應國,係d阿差自己無用。

    東印度公司在小清奴國內買鴉片,大膽如林則除則可以一指按死佢,依個係支拿人自己犯賤要做東亞病夫。

    傳媒寫埋d誤導下流既報導,係因為香港人受,賣到紙…..揾食牙!

    蘋果無比錢我寫專欄,我就講唔出什麼「香港好在有蘋果」依d厚顏之極既擦鞋之言。

    由依份報紙一出我已經抵抗,用過錢買既不出十份,總共比佢賺唔夠五十蚊。

    依份報紙出左太耐大家慣左姐,我實在唔好意思舉起一份用血紅大字標題寫住;「中學生玩4P」既報紙大庭廣眾地睇….我仲識寫耳心囉!

    黎智英三年前講話自己要攪一份又多人看,又賺錢,又不”賤”的報紙….嘩哈哈哈哈!

    我依家搞到要睇蘋果網先至可以見到d無咁媚共既聲音…..依個先係香港人既悲哀。

  2. 2 AK

    samsara姐姐,

    AK做左咁多年傳媒人,甚至到左今日,其實日常既工作上亦都要同傳媒打交道,所以對於傳媒既運作,或多或少有一定既了解…又或者咁講,「蝕本生意無人做,殺頭買賣有人幹」…這句話,可以講係好直接咁講出左市場既真實,作為一個商人,永遠既考慮,就係利益,成本以及風險既平衡…

    單純地說蘋果就是煽色腥其實也不算太過公平…畢竟,人家除了煽色腥之外,還有其他的特質,才可以做就到他成為全港銷數第二高的報紙(如果單是煽色腥的話,讀者何不簡單走去買本咸書)…就例如相對於本港其他報紙來說,蘋果走的是一條傾向反建制,反中央的路線…這應該為蘋果掙來了不少的支持者…

    在下認為,煽色腥係一個市場現象,予其撻伐傳媒,更應該為這種風氣負責任的,是讀者本身…


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s


%d 位部落客按了讚: