戲:從迷幻列車的現實到一百萬零一夜的虛幻

01三月09

Choose Life. Choose a job. Choose a career. Choose a family. Choose a fucking big television, choose washing machines, cars, compact disc players and electrical tin openers. Choose good health, low cholesterol, and dental insurance. Choose fixed interest mortgage repayments. Choose a starter home. Choose your friends. Choose leisurewear and matching luggage. Choose a three-piece suite on hire purchase in a range of fucking fabrics. Choose DIY and wondering who the fuck you are on Sunday morning. Choose sitting on that couch watching mind-numbing, spirit-crushing game shows, stuffing fucking junk food into your mouth. Choose rotting away at the end of it all, pissing your last in a miserable home, nothing more than an embarrassment to the selfish, fucked up brats you spawned to replace yourselves. Choose your future. Choose life… But why would I want to do a thing like that?

唔知大家睇到以上呢段野有d咩感覺…AK當年第一次聽到既時候,心裏面只係得兩個字:震憾!

以上呢一段,係來自trainspotting入面,一開場既時候,由仍然年青既Ewan McGregor(遠遠俾之後佢做Obi Wan既時候年青得多)飾演既男主角Mark Renton既第一句對白…因為依句對白,AK前前後後,係戲院睇左依套戲三次…之後一共買左同一套戲三個版本既DVD…

Trainspotting既導演Danny Boyle既新作Slumdog Millionaire早前揚威奧斯卡,十項提名,八項獲獎…

或者咁講,當年既trainspotting,AK仲係年青,反叛既火紅歲月,果一種忽然之間有一個電影角色可以將自己心中所想由頭到尾,以一串對白明確咁講哂出黎…

今時今日…係「一百萬零一夜」(AK好鐘意呢個中譯名,甚至比英文名更加喜歡…今次香港既翻譯人員真係跑贏左…)既時候,AK已經不再年青,雖然仍然對好多野睇唔過眼,但係個人既火氣,點講,都唔及當年…

睇住導演透過「百萬富翁」既遊戲節目做引子,之後以一條一條問題,去講述男女主角以及佢既兄長以間既故事…由一個貧民窟開始,其中貫串左各個不同既社會議題,包括左貧窮,宗教衝特,街童孤兒,乞丐,童工,雛妓,暴力,控制…雖然故仔本身既舞台,係印度既貧民窟,但係…唔知點講,AK總係覺得有唔少既畫面…雖然唔可以講話以曾相識,但係…AK真係可以講…其實…就算以香港這個富裕港市作為背景…AK都覺得係合適既…(如果你曾經係香港最黑暗既街角曾經走過…相信你都會認同AK既講法…)

不過…社會議題…始終只係「一百萬零一夜」入面既副線,真正既主線…係三劍俠既童話故事,以及男女主角之間既愛情…係…依套其實係一套童話式既愛情片…男主角同女主角多次分離之後,每一次都不惜用一切既手段,一切既方法,甚至用自己既生命去交換…一定要搵番女主角…單係呢份感情…相信都真係只有係電影入面先可以見到(正如電影入面,兄長就曾經批評男主角,「條女依家鑲金既咩?依個區入面大把女啦。」)…甚至,男主角參加「百萬富翁」都唔係為左錢,而係因為佢知道,女主角會睇呢個節目…

最後…「一百萬零一夜」以大團圓既方式結局(雖然兄長要死,但係都係以佢既方式,完成左佢既使命)…有情人終成眷屬…甚至…最後尾導演刻意咁用左一場Bollywood式歌舞做結…為成個童話故事劃上左句號…

係依個金融海嘯,人人面對住朝不保夕既生活境況之時…AK覺得…我地需要既…係一個團圓既結局…畢竟,我地依家實在經唔起太多既悲劇,因為實在有太多既悲劇係現實之中上演…逃入電影院之中,大家都只係想有一d逃避…可苦要迫人面對殘酷既現實…

今時今日既AK…已經不再年青…所以…對於童話既接受能力亦都高左…或者…人長大了,明白到,人,畢竟無可能不間斷地正眼面對殘酷的現實…有一d時刻,係需要一d escape route…

最後…依一段亦都係來自trainspotting…片末既時候,Mark Renton既自白…當年既AK唔可以好get到佢既意思…今時今日…AK明白…

The truth is that I’m a bad person. But, that’s gonna change – I’m going to change. This is the last of that sort of thing. Now I’m cleaning up and I’m moving on, going straight and choosing life. I’m looking forward to it already. I’m gonna be just like you. The job, the family, the fucking big television. The washing machine, the car, the compact disc and electric tin opener, good health, low cholesterol, dental insurance, mortgage, starter home, leisure wear, luggage, three piece suite, DIY, game shows, junk food, children, walks in the park, nine to five, good at golf, washing the car, choice of sweaters, family Christmas, indexed pension, tax exemption, clearing gutters, getting by, looking ahead, the day you die.

廣告


6 Responses to “戲:從迷幻列車的現實到一百萬零一夜的虛幻”

  1. 的確這次中文譯名有心思,正。

  2. 2 chika

    點都好過「貧民百萬富翁」的…

    其實勵志片都可以用好黑暗的手法造出黎,不過香港電視/電影人成日都喜歡用埋D陽光催淚慘綠肉麻橋,驚死你睇唔明…

    又係果句,從呢套片帶來印度貧民窟商機來看,其實響一個城市拍戲,無論你揭露當地風情還是一些陰暗面,點都有D正面作用。最怕你唔講唧…

  3. AK, 你 post 嗰段 trainspotting 嘅對白,真係勾起咗我唔少嘅回憶呢。小弟睇呢套戲嘅時候,係同 D 同學朋友仔柴娃娃揹背包去旅行時喺外國睇嘅。冇字幕 D 英文字句更係聲聲入耳,同你一樣,感覺超震撼。

    由其係記得首歌 ….. it’s a perfect day, it’s a perfect day …. (希望冇記錯啦) …. 哇!超正!

    周末都睇咗 slumdog millionaire, 睇完後只知道一定要俾心機搵錢,唔可以捱窮!

  4. 戲之因為好看, 純粹係因為戲將生活上複雜既事情簡單化, 好多野唔洗觀眾去選擇, 因為戲中有因有果. 淒美既情節, 再加上一個大團圓結局, 等觀眾睇得開心.

    但係生活上, 又邊有咁美好!

  5. 只係可惜, 花常好月常圓, 冇幾可真係發生o係現實中,就如戲裡面既小女孩, 到宜家都唔肯除低條靚靚紗裙, 唔願見人,只係想返去美國…

  6. 6 AK

    Terence兄,
    鮮有地中文譯名比英文原名更貼題…

    智嘉兄,
    有興趣去看天水圍的夜與霧…

    維京兄,
    你講果首係Iggy Pop既just a perfect day…果陣時聽到都覺得好正…

    Marshmallow,
    童話故事…一定係要將現實簡化,起碼唔會講你知公主皇子從此幸福地一同生活既細節…硬要拆穿既,可能會發現…公主婚後因生育而身裁走樣,性情大變…王子就繼續爛滾爛蒲,開設二廠及三廠…只係…睇到d咁既故事,相信細路(又或者成人)會唔開心囉…

    elaine,
    電影…對於演員而言…都係一個夢…有陣時,夢太美好,現實太殘忍…俾你選擇,可能都會揀繼續發夢…


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s


%d 位部落客按了讚: