才:北京奧運.消防員.梁展文.立會選舉

13八月08

七月尾八月初,為左個杭州既event忙到頭昏腦漲,之後番黎,八月第一個星期要睇住d post event既野,自然無可能走得開,好左中間星期三果日多得北冕,俾左一日unexpected holiday全港既打工仔,AK先可以回回氣,之後今個星期初放番兩日補假(新依份工,未過probation居然可以俾AK累積到四日補假,所以放完依兩日之後,八月入面AK仲會有多兩日假)…

假期既時候愈來愈懶,總係提唔起勁去寫…反而係office,就會想做一d犯規既野…人,總係犯賤既…

寫咩呢…咁耐無寫,就拉雜咁講幾個topic啦…

首先,自然係放假期間既主要娛樂,奧運啦…要講奧運,不得不從依次既開幕禮講起…又係張藝謀…唉…好多人都話點好睇點好睇…無疑,視角上係充滿左叫人眼花瞭亂既花招,真係有目不遐給既感覺,無奈既係…奧運雖然在北京,但係奧運唔係單純中國既事,一整場開幕式之中,滿盆滿窩都係中國元素,又羅盤,又印刷術,又造紙,仲有漫天既花火,但係就無左全球既視野,外國既觀眾係唔係可以有力吸收,實在成疑…

一個和字,用千人操既方式來表現…正所謂,「君子和而不同,小人同而不和」…以千人操既齊人來表現和既境界,未免…備受關注既主題曲,歌詞內容空洞,同時缺乏左禮育競技需要既激昂…白白浪費兩位歌手既好嗓子…之後,李寧以「夸父追日」之勢,燃點聖火…畫面上的確可觀…而且…都相當點題…

當然,係昂揚既愛國熱情之下,就連電視台都以「完美開始」黎形容今屆奧運…而係一片奧運歡騰既背景音樂之下,俄軍正式開入格魯吉亞,展開戰事…

講起電視台,真係把幾火,無論邊一個台,都表現出一份過剩既愛國心…凡親有中國選手出賽既項目,一眾主持人就好似自動打左類固醇咁,自動進入亢奮狀態…無端端會係度亂叫…AK除左足球之外,其實都鐘意睇籃球,但係連續睇左中國對美國以及中國對西班牙,唔好講果個「啊叻」…就連一d表榜專業既評述都可以係開咪既情況之下講出「係對中國既賽事入面係唔可能持平架啦」…講得何等地理直氣壯…又以射擊比賽為例,最後一槍,中國選手落後於其他兩名選手排名第三,評述員又可以講得出「希望佢地兩個射失,咁中國就可以拎到依面金牌。」我地堂堂天朝大國,係今次四夷歸服,八方來朝既盛會之以,居然要靠人地射失黎俾自己既選手拎金牌…

AK只係希望,係比賽入面,表現最好既選手,可以拎到金牌,無論佢係邊一個國家都好…

其實,比照國內既情況,配以香港電視傳媒既行為…實在好難將今屆既奧運同政治分開,而事實上,中國由以前因為國際奧委會當年承認「兩個中國」而退出奧運,到之後莫斯科奧運因蘇聯入侵阿富汗而跟大隊杯葛,到之前申奧,上珠峰傳聖火,正式開幕以至係金牌榜上努力競逐…無一不是充滿政治性既行為…強行要講「奧運不涉政治」,本質上就係空口講白話…站不住腳…

最後…都係要講,聽左咁多次中國國歌,AK仍然都係唔係咁認同用依首詞去做國歌,的確,歌譜係出眾既,有一種飛騰既感覺,但係歌詞實在太兇,以至全曲有一份「北鄙殺伐之聲」,缺乏左一份「中正和平」,實在有違禮義之邦既風格…

奧運之後,又講下消防員…的確,今次嘉禾大廈大火,犧牲左兩名英勇既消防員,叫人感到悲傷…更悲既係,十二年前既嘉利大廈大火之後,香港係依方面既工作居然未有吋進…舊式大廈,九成存在防火問題,每一幢都隨時可以試成人間煉獄…我地既政府,係唔係應該將花係政治化裝既時間,用番係一d做實事既位置…我地既特首又去左邊呢?點解每次有事既時候,佢都可以「巧合」地唔係香港既…

香港既政府係一個好有趣既東西,甚至係可以愈來愈有趣,先係「腐肉腸」事件,之後係外傭稅,依家仲可以攪出一個梁展文…基本上可以講係一連串既哈碌鏡頭…而係立會選舉在即,居然仲有保皇黨夠膽出黎保佢…陳鑑林仲夠薑到亂講「文革」…唔該一眾既選民,睇清楚自己揀d咩人去監察政府…

AK家在九龍西,今年應該會投俾記者出身既毛孟靜,又或者做傳媒既Yuk Man!!俾多d人入去立法會咬Q死果班官都好既…

廣告


2 Responses to “才:北京奧運.消防員.梁展文.立會選舉”

  1. 你呢篇講中小弟好多心事。

    尤其班主持人、國歌內容… 唉。

  2. 2 Terence

    早十年前李怡建議改歌詞。
    或者1935年田漢寫詞時中國歷受風霜,被強國侵略,自然會譜出這種抵抗外敵的歌詞。
    但時移勢易,歌詞也應該改改。


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s


%d 位部落客按了讚: