戲:文雀

23六月08

文雀,於老香港來說,是扒手的匿稱,相信年青一輩的觀眾都不會知道這個稱呼既由來,畢竟,大家都係係一個石屎森林到長大,又有幾何會對於係田野之敏捷飛舞,透過「偷盜」稻穗為食既小鳥有所感受呢?

正正係…其實由始至終,文雀刻意營造既一個老舊既香港氣氛,所以,如果閣位以為入場係要要好似「天下無賊」咁去睇一場緊接一場既「盜技比併」,又或者係兩代高手之間既權力鬥爭,AK覺得你會感到失望並唔出奇,畢竟,導演今次要展現既,唔係依d…正如,上次放逐拍出黎既澳門唔似澳門一樣,今次拍出黎既香港,更加唔係平日大家穿梭往來,為左生活而不斷鑽營既香港…

電影之中既男主角本身就相當地「小資」,可以悠閒咁踏單車穿梭於作為香港既心臟,代表依個城市「核心價值」既中山環地區,用雙筒相機,黑白照片去記錄依個城市既人…果份中產,小資既味道,係第一場補衫,到之後踏單車出街搵拍擋食早餐…真係一陣陣咁滲出黎…對於後生既觀眾可能就會問,「仲咩件衫爛左要補?」又或者「好地地有車唔搭要走去騎單車,又唔係番大陸?」咁…一個中產,小資,總要有d手藝,先可以係依個城市入面搵到食既…相較於正路既例如「會計」,「電腦」咁…男主角果一本手藝更加接近父執輩既一代,要依靠一雙巧手先可以成事…因為,佢地係一班靠一雙手去打途人主意既扒手,雅號「文雀」,一個半隱藏係社會之中,又好似已經息微既一個行業…

咁一套得果87分鐘既電影,可以有一個幾複雜既劇情呢?其實,杜sir今次都係離唔開一份男人既陽剛氣,但係相對於放逐果一份滿溢既「男人味」,今次係文雀入面就顯得內斂…盧海鵬既一句,「仗義jer,男人既所為黎既…」就解譯左,主角同佢地一班柏檔其實除左中左女角林熙蕾既色降之外,自有佢本身既行事理由,任達華都話啦,「就係睇唔過眼你蝦女人…」四個拍檔之間,果份情誼雖然無好似放逐咁兩脅插刀,但係就係四人合坐一架單車之間表現左出黎…另外,兩雄初遇,盧海鵬大力同任達華握手,乘機盜取對方手表,之後一句,「以前手藝不精,邊咁出黎獻世」以及之後,盧海鵬一句「界親人既…d咁既手藝點出黎做文雀」之後自動認輸,其實全部都係一d好「男人」既情節…依d如果係有追開杜琪峰既戲既朋友,應該都會睇得出…

亦都同一貫杜sir既戲一樣,電影入面既女角一向唔會有太多發揮既空間,所以,今次既林熙蕾成為一個highlight,只係因為今次杜sir俾多左位佢走…而林熙蕾既表面都可以講係不慍不火,恰如其份…AK由其鐘意開篷平治一段…哈哈…或者,每個男人都有佢死既方式啦…只要一個靚女識得玩,絕對可以玩死世界上任何一個男人…

今次,成套戲入面對白特別小,最尾一場雨中較亮就差不多係完全無對白既情況下進行,依d都係杜sir展示技巧既一個trick,其實,果一場係個故仔來講,只不過係eye candy,就好似大事件入面一個鏡直落十分鐘,以至之後放逐入面既最後槍戰…都只不過係杜sir玩野既鏡頭…唔多重要…更加重要既係,大家唔需要留心聽d對白,就可以更加用心咁去聽電影既配樂…成套戲個mood就係咁黎…

整體來講,文雀重視既係戲味,如果觀眾無果份入場「品味」既心,又或者因為平日已經食得太鹼太辣,以至失去左味覺既話…咁文雀就唔應該係你既選擇…依套係一套文藝片…男人既文藝…

廣告


5 Responses to “戲:文雀”

  1. 我未睇, 不過聽完你咁講, 我有d hesitate, 開始厭倦一d強調"兩脅插刀"既三國式所謂男人"情義"既苗述, 我覺得好基好毛管動…

    BTW, 我一直都覺得三國演義係古今中國最既既小說, 書中男人郁d就喊, 有乜拆唔掂就一哭二罵三上吊(死諫, 唔記得左邊Q個因為劉章唔聽佢支笛, 就去城門自吊), 為左另外一個男人而劏左自己老婆做餸, 係果個年代可能係反映左最高智慧, 不過入到我眼中就搞到食慾性慾盡失…

  2. 雖然對杜大導的言論不敢恭維, 但他今次拍呢套戲竟然感覺到一些深度(可能係少了江湖味道)

    有外國影評話(意譯):他拍出地方的當代情懷

    就算買唔到飛, 都要買隻DVD睇

    又, 昨晚見到一個政府廣告, 竟然係講扒手, 手法還有點模仿呢套戲, 唔信搵日睇電視廣告就知!

  3. 3 AK

    Alan兄,
    日日生存係依個咁既世界,唔好經常remind自己太多現實既野…畢竟,現實係唔舒服既,入戲院,就係要free flow…

    Karen,
    入場去看啦!

  4. 其實這戲想拍一點俱有風情的品味電影,但是基於香港的確缺乏這種情懷環境,難以代入,反之上一套澳門拍的「放逐」較為可取。

    若說拍得有情懷,他還是不及王家衛,始終杜SIR不是這方面的材料,正如王家衛也不能拍得出黑社會、鎗火這種極有剛陽味的電影一樣。

    所以真的有點失望。

  5. 5 Vennessa

    我都睇咗,不過睇完係成頭霧水。成日以為佢會交代,林熙蕾電話中人物的關係。又唔係好明果間掛滿雀籠的屋想表達咩?仲有任達華放錢入信箱同畀茶錢個看更,到後來看更失蹤


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s


%d 位部落客按了讚: