戲:悲劇人生GTA IV

15六月08

花左唔知幾多時日,終於完成左今年其中一隻必玩遊戲GTA IV既故事模式,其實呢一篇就應該供過去俾叉盒日替果邊俾呀老編PC搞既,不過除左爆機之後既Game評之外,因為GTA IV既故事真係好正,而且亦都相當touching,所以又係依邊講下先…

首先,大家要知道GTA IV係d咩黎先,GTV IV係由Rockstar開發,用於次世界Console平台(XBox 360 / PS3)上既遊戲,其中既重點在於建立左一個極之龐大既遊戲世界(今次GTA IV入面參考左真實的New York City,建立在一個叫Liberity City既虛疑世界),遊戲就係一個Free World模式,基本上,你係入面既Action係完全可以自已決定…由於遊戲一般來講都係以Underworld既黑暗規律(即係一個犯罪世界,玩家係入面既主要活動就走私,販毒,殺人,開火…諸如此類),所以每一集GTA既推出,基本上都係會被一班「衛道之士」所抗議…不過,作為一個玩家,對於依d不關涉既議題,基本上係好少理既…

GTA IV既故事係由偷渡進入美國,來到Liberity City尋找表親Roman既東歐人Niko Bellic到步開始,一心希望實現American Dream既Niko發現,Roman之前係家書入面所寫既奢華生活完全係講大話,而且仲欠落大耳窿一大筆債…為左保護依個唔似樣既表哥,Niko逐步踏入左Liberity City既地下世界,由一個靠拳頭恐嚇收爛數既古惑仔開始,最後捲入Liberity City入面,六大黑幫家族既角色中既一個磨心…

而隨著故事既開始,Niko Bellic會同唔同既人物進行Interaction,而係依d Interaction之間,我地會逐步睇到Niko Bellic經已破碎既靈魂…Niko本身既國家爆發內戰,本著一腔熱血,Niko與一班同鄉朋友一齊投身成為軍人,但係係一次任務之中,部隊內既內鬼(Niko既其中一個同鄉老友)將整隊人出賣…Niko成為部隊僅存既三個倖存者,之後被標籤為「叛徒」,被迫出國,去到歐洲,從事販運人口既勾當,結果遇上左警方既堵截,任務失販,成為黑白兩道追緝既人物…係迫於無奈既情況下,Niko到Liberity City投靠Roman…

Niko接觸既每一個人物,都有著佢自己本身既過去,而且係一個比一個更加陰沉,黑暗,成個遊戲既tone係一路向悲劇既方向發展,最後Niko亦都因為踏足犯罪世界而最終不能自拔,付上左極大既代價…由於遊戲入面涉及左極之大量既犯罪活動(其中一個任務係打劫銀行,期間要突破由LCPD特警所組成既包圍網),加上唔少殘殺他人既情節,所以依隻遊戲,係只推介俾心智成熟既玩家(唔好玩完隻game之後學日本秋葉園個「毒男」咁,衝出旺角亂咁殺人)…成隻Game係充滿左電影感,基本上玩game就好似睇戲一樣…一隻好既遊戲,就係應該可以令到玩家有咁既投入感(即使妳唔鐘意打機,但係亦都應該可以感受到故事既感染力,就好似睇一本好書既感覺一樣…)

的確GTA IV既最大吸引力係來自佢個劇本,但係同時地佢係技術上都有好多既突破,雖然畫面正如之前講過,唔算係超級頂班,但係考慮到佢果個龐大既遊戲世界,Niko駕駛著一個車,由城市內既一個島穿過去另一個島,中間係唔會有明顯既Load碟情況,單係依一點就係一個重大既突破,而且遊戲係以實時進行,有日與夜既交替,陰與晴既天候變化,其中光源及物件都會因應而改變,創造一個擬真既世界,反映製作團隊既卓越技術力…

遊戲入面有電台(19個),電視台(八至九個不同節目)以及互聯網(30多個網站,其中部份係會不停更新),全部都係搆成一個整體世界既細節,遊戲入面Niko可以用手提電話聯絡不同角色,甚至溝女,大家會一齊出街玩,有各式活動(打保齡,打Pool,掟標,睇脫衣舞…),一個遊戲,單人模式就已經係咁豐富,仲有online既多人連線模式…

整體來講,GTA IV必然係當今眾多遊戲之中,其中最頂班既作品之一,AK認為,係任何擁有次世代主機既機主必玩既一隻作品…

廣告


6 Responses to “戲:悲劇人生GTA IV”

  1. 1 AK

    哈哈…似乎這邊的看倌真係唔多玩game喎…可惜…GTA IV真係一隻極為出色既作品,希望更多朋友可以有機會去欣賞…

    Game,以乎暫時都只係主流文化以外的作品…

  2. 睇完你既介紹
    攪到我都好想買返部 PS3 玩下

    不過冇錢呀...

  3. 3 Terence

    AK兄
    其實我很想跟你討論,可惜我是個電玩低能兒,最多只會玩打Wii的級數,玩這麼複雜的game,我會頭暈(因為玩過),所以只好放棄這麼精采的電玩呢。

    電玩的確是近代另一個人們新的遊戲模式,想起當年大家玩「幫捉」「紅綠燈」這些群體遊戲,依家細路要玩便要在網上玩了。

  4. 點解呢篇不是放係lunchbox度? PC兄冇追稿?

    一條渣住部wii既茂李上…

  5. 我都係比較欣賞秋葉男既玩法…

    一條渣住部wii同PS3死都唔買叉盒既茂李上…

  6. 6 AK

    工程師,
    如果係玩依隻既,推介360,因為黎緊會有exclusive內容for download,PS3玩唔到架…

    Terence兄,
    時代唔同,唔同既小孩會有唔同既童年回憶…

    On dog兄,
    一稿兩投,不過PC兄近排公務繁忙,未upload jer…

    Alan兄,
    果d野,都係留係打機果陣先做啦…


發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s


%d 位部落客按了讚: